Günel Mövludun yeni şəkillər kitabı haqqında bir neçə söz

b1aa55134d8ec8e34e72194789ccaa1aBu yaxınlarda xanım yazarlarımızdan birinin cilalı kağıza olan sevgisini qeyd etmişdim, amma alatorançı Günel Mövludun cilalı kağıza sevgisi sən demə daha hədsiz imiş.

Hətta o dərəcədə ki, Günel xanım 31 şeir və 3 məqalənin yer aldığı 106 səhifəlik “Axşamçağına cavab” kitabını başdan ayağa “qlyantsevıy” kağızda çap edib.

YerAltı nəşriyyatının buraxdığı kitabda “anderqraundun” heç izi-tozu da yoxdur. Seymur Baycanın ön sözü, Gündüz Ağayevin üz qabığı, Abbas Atilayın fotoları da kitabı xilas edə bilməyib. Hətta kitab Günel Mövludun şeirlər kitabından daha çox Abbas Atilayın şəkillər kitabı kimi yadda qalır. Kitabı əlinə alan yoldaşlar Günelin şeirlərindən daha çox Abbasın fotolarından təsirlənirlər.

Kifayət qədər baha qiymətə, yeni ədəbiyyata iddiası olan kitab bizi yaxşı mənada heç təəccübləndirmir. Şrift və tərtibatın bərbadlığı bir yana, şeirlər özləri yenilikçi insanı məyus edir.

Kitabdakı şeirlərin əksəriyyəti köhnə şeirlərdir. Yeni şeirlərin isə daha fundamental problemi var. Günel xanım ilin, günün bu çağında, o boyda Alatoran inqilabından sonra yenidən klassik formaya – qoşma-gəraylı janrına qayıdıb. Şeirləri oxuduqca qarşımızda Borçalı elindən yenicə gəlmiş, əlində telli saz xanım aşıq canlanır – özü də sanki hansısa eloğlunun kiçik oğlunun kiçik toyunda.

Biz elə bilirdik ki, Günel Mövlud Tbilisiyə, azad Gürcüstanın modernist, demokratik mühitinə köçüb, sən demə, Günel xanım Borçalı elinə, Tiflis aşıqlarının yaradıcı abu-havasına ezamiyyətə gedibmiş.

Advertisements

3 Şərh

Kateqoriysı Azərbaycan

Günel Mövludun yeni şəkillər kitabı haqqında bir neçə söz” üçün 3 cavab

  1. Kitabı görməmişəm, təəssüf ki, son dövr yerli yazarların bir neçə əsərini oxuduqdan sonra, Azərbaycan müəlliflərinin və Azərbaycan dilinə tərcümə olunmuş kitabların düzüldüyü rəflərin yanından düz keçirəm. Bu məqaləni oxuyanda üzümdə təbəssüm yarandı. Necə deyərlər, “”yəxəb-sürümüsünüz” :))) bəlkə də, Günel Mövludu sevmirəm, ona görə bu qədər ləzzət etdi mənə :)))

  2. Günel xanımın kitabı ayo-nun “qurtardığını” göstərir. Yalançının şahidi yanında olar deyiblər, Seymur bəy,Gündüz bəy və Atillayın da ondan geri qalan tərəfi yoxdu öz sənətlərində. Seymur bəyin son iki kitabını misaldı buna.
    Gözəl yazıdı, əllərinizə sağlıq, müşahidələrinizə qatılıram.

  3. Seymur Baycanın son iki kitabı normaldır, məncə hətta çox yaxşıdır. Rasim Qaraca da bu yaxınlarda gözəl bir roman buraxıb. Əli Əkbər isə Almaniyada yeni kitabını nəşr etdirir. Ona görə də “AYO-nun qurtardığını” iddia etməyə gəlin hələ tələsməyək :))

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma