Qara PR kampaniyasını necə qurmalı

Əli Kərimli

Azərbaycan müxalifətinin liderlərindən biri – Əli Kərimliyə qarşı qara PR kampaniyasının qurulmasında Azərbaycan və Ermənistan mətbuatı sanki əməkdaşlıq edir.

Qarşıdan gələn noyabr ayında Azərbaycanda növbəti parlament seçkiləridir. Uzun çəkişmələrdən sonra ölkənin son iki müxalifət partiyası bir araya gəlməyi bacararaq seçkilərdə birgə iştirak üçün axır ki, blok yarada bilib.

Əli Kərimli də bu blokun liderlərindən biridir və həm də qara PR kampaniyalarının (qarayaxmaların) hədəfi olmaq kimi Azərbaycanda qəribə rekordun sahibi sayıla bilər.

İndi də, seçkilərə bir ay qalmış, digər bir qarayaxma kampaniyasının işartılarını özünü büruzə verməyə başlayıb. Qısa desək, Əli Kərimlini xarici qüvvələrlə sövdələşməyə girib Qarabağı satmaqda günahlandırırlar – güya qarşıdan gələn seçkilərdə ona dəstək müqabilində Əli Kərimli Qarabağ məsələsində istənilən güzəştə gedəcəyini “qərb dairələrinə” vəd edib.

Yaxşı, bəs bunu necə sübut etməli və xalqı buna necə inandırmalı?

İlk öncə, heç adı qədər real tirajı olmayan 525-ci qəzet bir məqalə dərc edir və bu məqalədə Əli Kərimlinin və ümumilikdə müxalifətin xalqa qarşı planlarından söhbət açır.

Daha sonra jurnalistik çevrələrdə qeyri-rəsmi olaraq Prezident Administrasiyasının resursu hesab edilən 1news.az saytında həmin məqaləyə istinadən başqa bir yazı dərc olunur ki, burada da hədəf birbaşa olaraq Əli Kərimlidir.

Bundan sonra Erməni mətbuatı xəbəri götürür və geniş dərc edir. Tipik başlıq – Azərbaycan müxalifət lideri Qarabağla bağlı istənilən güzəştə hazırdır, Azərbaycan mətbuatı xəbər verir. Xəbəri yayan mətbu orqanlardan biri PanArmenian hətta 525-ci qəzetin və 1news.az saytının adını da çəkir.

Əsas həngamə də bundan sonra başlayır. Sanki bir dirijorun işarəsi ilə Azərbaycan mediası və mətbuatı şok xəbəri ictimaiyyətə çatdırmağı özünə borc bilir. Tipik başlıq – Ermənistan mətbuatı xəbər verir ki, Əli Kərimli Dağlıq Qarabağ məsələsində istənilən güzəştə gedəcəyinə dair “qərb dairələrinə” vəd verib.

Hətta bizim sevimli, heç 525 tirajı olmayan 525-ci qəzet də APA-ya istinadən Erməni mətbuatının bu xəbərini oxucuya hölvnak çatdırır, amma nədənsə yadından çıxarır ki, elə həmin erməni mətbuatı öz növbəsində 525-ə istinad edir :)

Advertisements

6 Şərh

Kateqoriysı Azərbaycan

Qara PR kampaniyasını necə qurmalı” üçün 6 cavab

  1. Niko

    Xezer TV nin de sherefsiz hereketini elave etmek isterdim.

  2. Xatirimdədir, Ermənistanda prezident seçkiləri olanda koçaryan-sarkisyan komandasının Ter-Petrosyana qarşı istifadə etdikləri arqumentlərdən biri, sonuncunun Azərbaycan mediası, azərbaycan cəmiyyəti tərəfindən arzuolunan olması idi.

    Yəqin indi ermənilər bizimkilərə borcu qaytarırlar :)

  3. Her sey cemiyyetimizin deyishikliye hazir olmasi seviyyesinden asilidir. Eger cemiyyet deyishikli arzusunda olsa hech bir qara piar hech bir lider uchun tehlukeli deyil, eksine ele piardir.

  4. Geri bildiriş: Global Voices in English » Azerbaijan: Playing the Armenian card

  5. Geri bildiriş: Azerbaijan: Playing the Armenian card :: Elites TV

  6. Geri bildiriş: Global Voices teny Malagasy » Azerbaijan: Ny karatra Armeniana no lalaovina

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma